Noticias

(Galego) A espeleoloxía de Jaén galardoa a traxectoria no deporte e na competición de Mª Luisa Barros

Disculpa, pero esta entrada está disponible sólo en Galego. For the sake of viewer convenience, the content is shown below in the alternative language. You may click the link to switch the active language.

Na súa intervención, Maruxa Barros agradeceu este recoñecemento a súa traxectoria deportiva.

O fin de semana  do 24 de novembro celebrouse a gala dos Premios de Espeleoloxía na localidade de Villacarrillo (Jaén), coincidindo ca Xornada de divulgación e promoción da espeleoloxía,  xunto co 40 aniversario da creación do Grupo de Espeleología de Villacarrillo (GEV).

Ata esta localidade, desprazáronse deportistas de diferentes puntos de España e tamén do estranxeiro.

Estes premios, únicos en Europa e de carácter internacional, naceron para recoñecer e dar visibilidade a persoas, deportistas, colectivos  e entidades que, de algunha maneira, realizan unha labor e traballo excepcional é destacable nas distintas facetas da espeleoloxía.

Por iso, a entrega dos mesmos contou coa asistencia de numerosas autoridades, tanto dos gobernos estatal e autonómico como rexional e local.

A nosa galardoada, cos responsables do Grupo de Espeleología de Villacarrillo.

Entre os galardoados encontrábase a galega María Luisa (Maruxa) Barros Rodríguez, que desde hai 27 anos pertence ao Espeleoclub  Aradelas de Vigo e, ademáis, leva desde o ano 2014 ao fronte da nosa Escola Galega de Espeleoloxía (EGE).

Foi nominada e galardoada con este  premio -que outorga o Grupo de Espeleología de Villacarrillo- pola súa traxectoria deportiva no mundo da espeleoloxía e a competición, onde sempre conseguiu moi bos resultados, quedando sempre entre os primeiros postos nos diversos campionatos de todo o territorio nacional e internacional nos que participou nestes anos.

Este premio é un orgullo para a nosa comunidade espeleolóxica, xa que é a primeira vez que un galego -neste caso unha galega- recibe este galardón.

Satisfeitos por este novo premio, queremos compartilo con todos vós e transmitirlle a nosa norabóa: ¡Parabéns Maruxa!

Maruxa Barros (á dereita) posou co resto dos premiados nesta edición.

Enlaces de interés:

http://espeleovillacarrillo.blogspot.com/2018/11/cronica-de-las-jornadas-de-divulgacion.html

www.diariojaen.es: Cuatro décadas en la vanguardia