 | Federación Galega de Espeleoloxía | Español | Galego |
Escola
A Escola Galega de Espeleoloxía, a partir deste momento EGE, é o órgano docente da FGE e ten como fins:
O ensino, divulgación e promoción da espeleoloxía, nas súas diversas especialidades, no ámbito da Comunidade Autónoma Galega.
A incorporación dos novos métodos, técnicas e avances acadados na práctica da espeleoloxía en tódalas súas especialidades e, especialmente, as técnicas que supoñan unha prevención e diminución dos accidentes.
Son competencias da EGE:
O ensino oficial da espeleoloxía nas súas diversas especialidades, a formación do profesorado e dos seus cadros técnicos de ámbito autonómico.
O establecemento do réxime xeral de ensinanzas espeleolóxicas, en coordinación coa "Escuela Española de Espeleología", á cal estará adherida.
A regulación dos requisitos mínimos que deben ter os cursos de espeleoloxía de base, referentes a: titulación do profesorado que os imparte, relación numérica profesor-alumno, contidos e actividades prácticas que se van desenvolver e temporización destes.
 |  |  |  |