 | Federación Galega de Espeleoloxía | Español | Galego |
Canóns
A outra espeleoloxía A práctica do descenso de canóns ou barrancos, consiste en seguir a canle por onde discorren as augas dun río. É moi semellante á espeleoloxía, pero á luz do sol, sen necesidade de remontar o descendido, polo que o esforzo, material e risco diminúen, aínda que non desaparecen.
Nun descenso dun canón ou barranco podemos atopar verticais que obrigan a empregar técnicas de rappel, escalada, destrepes e saltos sempre controlados.Tamén resulta indispensable saber nadar. A práctica deportiva desta modalidade require duns coñecementos e técnicas especiais que se adapten ás características de cada descenso.
O descenso de canóns ou barrancos é unha práctica deportiva asumida polas federacións de espeleoloxía, dentro das súas estruturas.
A práctica do descenso de canóns
A forma de iniciarse no descenso de canóns é Federándose e realizando os cursos que organiza a Escola Galega de Espeleoloxía.
Unha vez acadada a formación precisa, as actividades lévanas a cabo os Clubs que forman parte da Federación, onde che proporcionarán tódala información que precises para a práctica do noso deporte.
 |  |  |  |